غير فكرتك عن التسويق

[dt_sc_full_width first][/dt_sc_full_width][dt_sc_two_third first][/dt_sc_two_third]

غير فكرتك عن أى حاجة سمعتها عن التسويق , سواء الإلكتروني أو التسويق بشكل عام

كتير مننا أول ما بيسمع سيرة التسويق بيبعد أو بينفر من الكلمة , لأنه على طول بيفتكر أنه مشي فى الشوارع , وقد إيه بيطلع عين الشخص عشان يسوق لمنتج ويقول مميزاته ,,,,

لكن الحقيقة أن التسويق مجرد فكرة أو إبتكار أسلوب جديد فى طريقة جلب العملاء أو الزبائن لمنتجك , لأن ببساطة ممكن يكون منتجك كان عليه إقبال كتير , وبدأ يقل الإقبال واحدة واحدة , لكن بمجرد إنك إبتكرت فكرة جديدة تطور بيها المنتج , هاتلاقى نسبة مبيعاتك زادت الضعف

في كتاب “التسويق للجميع” بيقول إن التسويق دة شىء فطري

وأعطى مثال واضح على كدة , وهو إن الطفل لما بيعيط عشان بيكون عايز شىء من مامته سواء طعام أو شراب , فهو كدة بيسوق لنفسه , فسرعان ما تلتفت إليه أمه .
ومش معنى كدة إننا نقول أن التسويق دة كل شىء أو أهم شىء , فهو صحيح مهم جداً , لكن الأهم طبيعة المنتج أو مجال شركتك , إذا كان مطلوب عند الناس , أو بيلبى إحتياجاتهم بشكل كبير .
فطبعاً كلنا عارفين مقولة معروفة إسمها : “Content is king” لبيل جيتس !
فهنا هانلاقى إن الإتنين بيكملوا بعض , المحتوى حتى ولو كان جيد جداً , فالناس مش هاتعرفه غير لما تسوقله صح , وكذلك لو سوقت بشكل صح وعلى نطاق واسع لمجالك أو منتجك أو المحتوى بتاعك , بس فى النهاية لقيت المحتوى مش جيد أو المنتج عادى وطبيعى ومش بيلمس إحتياجات الناس , فده يُعتبر ولا ليه أى فائدة